സഹപ്രവർത്തകയുടെ അശ്ലീലചിത്രം പ്രചരിപ്പിച്ച സംഭവം: സി.പി.എം. ഏരിയ സെക്രട്ടറിയുടെ കസേര തെറിച്ചു

കാസർകോട്: പാർട്ടി പ്രവർത്തകയുടെ അശ്ലീലചിത്രം സമൂഹമാധ്യമങ്ങളിൽ പങ്കുവെച്ച സംഭവത്തിൽ സി.പി.എം. ഉദുമ ഏരിയ സെക്രട്ടറി മധു മുതിയക്കാലിനെ സ്ഥാനത്തുനിന്ന് മാറ്റി. പി.വി. രാജേന്ദ്രനാണ് പുതിയ ഏരിയ സെക്രട്ടറിയായി ചുമതലയേറ്റത്. മധു സ്വയം സ്ഥാനമൊഴിഞ്ഞതാണെന്നാണ് സി.പി.എം. കാസർകോട് ജില്ലാ നേതൃത്വത്തിന്റെ ഔദ്യോഗിക വിശദീകരണം.

മാസങ്ങൾക്ക് മുൻപാണ് സഹപ്രവർത്തകയും പാർട്ടി പ്രവർത്തകയുമായ സ്ത്രീയുടെ അശ്ലീലചിത്രം മധു സമൂഹമാധ്യമങ്ങളിൽ പങ്കുവെച്ചതെന്നാണ് ആരോപണം. സംഭവം പുറത്തുവന്നതോടെ പാർട്ടിക്കുള്ളിൽനിന്നുൾപ്പെടെ വലിയ വിമർശനങ്ങളും പ്രതിഷേധങ്ങളും ഉയർന്നിരുന്നു. ഇതിന്റെ പശ്ചാത്തലത്തിൽ മധുവിനെതിരെ അച്ചടക്ക നടപടിയുണ്ടാകുമെന്ന സൂചനകൾ നേരത്തെ ഉണ്ടായിരുന്നെങ്കിലും പാർട്ടിയുടെ വിപുലീകൃത കമ്മിറ്റി യോഗത്തിൽ അത്തരമൊരു നടപടി ഉണ്ടായിരുന്നില്ല.

ആരോഗ്യപരമായ കാരണങ്ങളാലാണ് മധു മുതിയക്കാലിനെ ഏരിയ സെക്രട്ടറി സ്ഥാനത്തുനിന്ന് മാറ്റിയതെന്നാണ് ജില്ലാ കമ്മിറ്റിയുടെ വിശദീകരണം. എന്നാൽ, ചിത്രവിവാദവും അതിനെത്തുടർന്നുണ്ടായ പ്രതിഷേധങ്ങളും വീണ്ടും ചർച്ചയാകുന്നതിനിടെയാണ് സ്ഥാനമാറ്റം ഉണ്ടായിരിക്കുന്നത്. മധു നിലവിൽ സി.പി.എം. കാസർകോട് ജില്ലാ കമ്മിറ്റി അംഗം കൂടിയാണ്.

ജില്ലാ കമ്മിറ്റി അംഗത്വത്തിൽനിന്നും മധുവിനെ മാറ്റിയേക്കുമെന്ന സൂചനകളും പുറത്തുവരുന്നുണ്ട്. എന്നാൽ ഇക്കാര്യത്തിൽ ഔദ്യോഗിക തീരുമാനം വന്നിട്ടില്ല. ഏരിയ സെക്രട്ടറി സ്ഥാനത്തുനിന്നുള്ള മാറ്റത്തിന് പിന്നാലെ പാർട്ടി തലത്തിൽ തുടർനടപടികൾ ഉണ്ടാകുമോയെന്നാണ് ഇനി ശ്രദ്ധിക്കപ്പെടുന്നത്.

ആരോഗ്യപരമായ കാരണങ്ങളാലാണ് മധു മുതിയക്കാലിനെ ഏരിയ സെക്രട്ടറി സ്ഥാനത്തുനിന്ന് മാറ്റിയതെന്നാണ് ജില്ലാ കമ്മിറ്റിയുടെ വിശദീകരണം. എന്നാൽ, ചിത്രവിവാദവും അതിനെത്തുടർന്നുണ്ടായ പ്രതിഷേധങ്ങളും വീണ്ടും ചർച്ചയാകുന്നതിനിടെയാണ് സ്ഥാനമാറ്റം ഉണ്ടായിരിക്കുന്നത്. മധു നിലവിൽ സി.പി.എം. കാസർകോട് ജില്ലാ കമ്മിറ്റി അംഗം കൂടിയാണ്.

ജില്ലാ കമ്മിറ്റി അംഗത്വത്തിൽനിന്നും മധുവിനെ മാറ്റിയേക്കുമെന്ന സൂചനകളും പുറത്തുവരുന്നുണ്ട്. എന്നാൽ ഇക്കാര്യത്തിൽ ഔദ്യോഗിക തീരുമാനം വന്നിട്ടില്ല. ഏരിയ സെക്രട്ടറി സ്ഥാനത്തുനിന്നുള്ള മാറ്റത്തിന് പിന്നാലെ പാർട്ടി തലത്തിൽ തുടർനടപടികൾ ഉണ്ടാകുമോയെന്നാണ് ഇനി ശ്രദ്ധിക്കപ്പെടുന്നത്.

Content Highlights: Madhu Muthiyakkal, the CPM Uduma Area Secretary, has been removed from his position following an incident in which an obscene image of a female party worker was shared on social media. P.V. Rajendran has taken charge as the new Area Secretary. The CPM Kasaragod district leadership has officially stated that Madhu stepped down from the position voluntarily.