ന്യൂഡല്ഹി: സംസ്ഥാനത്ത് ഇന്ധന വില വീണ്ടും കൂട്ടി. പെട്രോളിന് 86 പൈസയും ഡീസലിന് 83 പൈസയുമാണ് ഉയര്ന്നത്. ഒരാഴ്ചയ്ക്കിടെ ഇത് രണ്ടാം തവണയാണ് ഇന്ധനവില കൂട്ടുന്നത്. ഇതോടെ കൊച്ചിയില് പെട്രോളിന് 109.60 രൂപയും ഡീസലിന് 98.45 രൂപയുമായി. കോഴിക്കോട് ജില്ലയില് പെട്രോള് വില 110.04 രൂപയും ഡീസലിന് 98.94 രൂപയുമാണ്. ഡല്ഹിയില് പെട്രോള് വില 98.63 ആയും ഡീസല് വില 91.5 രൂപയുമായി ഉയര്ന്നു.
കഴിഞ്ഞ ദിവസം സിഎന്ജി വിലയും വര്ധിപ്പിച്ചിരുന്നു. കിലോക്ക് രണ്ടു രൂപയാണ് കൂട്ടിയത്. ഇതോടെ കൊച്ചിയില് സിഎന്ജി വില 96.50 രൂപയായി. നാല് ദിവസത്തിനിടെ മൂന്നാം തവണയാണ് സിഎന്ജിക്ക് വില വര്ധിപ്പിച്ചത്. പശ്ചിമേഷ്യന് സംഘര്ഷം ചൂണ്ടിക്കാട്ടിയാണ് പൊതുമേഖലാ എണ്ണക്കമ്പനികള് ഇന്ധന വില ഉയര്ത്തുന്നത്.