പുതിയ എക്സ് വൺ ലോങ് വീൽബേസ് പതിപ്പ് ഇന്ത്യയിൽ അവതരിപ്പിച്ച് ബിഎംഡബ്ല്യു; എക്സ്ഷോറൂം വില 49.90 ലക്ഷം രൂപ മുതൽ

കൊച്ചി: ആഡംബര വാഹന നിർമാതാക്കളായ ബിഎംഡബ്ല്യുവിന്റെ പുതിയ എക്സ് വൺ ലോങ് വീൽബേസ് (LWB) പതിപ്പ് ഇന്ത്യയിൽ അവതരിപ്പിച്ചു. കൂടുതൽ നീളവും വിശാലമായ പിൻ കാബിനും മികച്ച പ്രകടനവും നൂതന ഡിജിറ്റൽ സവിശേഷതകളുമാണ് ഈ പുതിയ മോഡലിന്റെ പ്രത്യേകത. ചെന്നൈയിലെ പ്ലാന്റിലാണ് വാഹനം നിർമ്മിക്കുന്നത്. 49.90 ലക്ഷം രൂപയാണ് എക്സ്ഷോറൂം വില. 4,616 മില്ലീമീറ്റർ നീളവും 2,104 മില്ലീമീറ്റർ വീതിയും 1,641 മില്ലീമീറ്റർ ഉയരവും 2,800 മില്ലീമീറ്റർ വീൽബേസുമുള്ള ഈ വാഹനം. ഈ സെഗ്‌മെന്റിലെ ഏറ്റവും നീളം കൂടിയ മോഡലാണ്. 108 മില്ലീമീറ്റർ അധിക വീൽബേസ് ഉള്ളതിനാൽ പിൻസീറ്റ് യാത്രികർക്ക് 150 മില്ലീമീറ്റർ അധിക ലെഗ്‌റൂമും 109 മില്ലീമീറ്റർ അധിക ക്നീറൂമും (Kneeroom) ലഭ്യമാകും. യാത്രക്കാർക്ക് കൂടുതൽ ആശ്വാസത്തിനായി പിൻസീറ്റുകൾ 28.5 ഡിഗ്രി വരെ ചാരിവെക്കാനും സാധിക്കും. 9 ചതുരശ്ര അടി വിസ്തീർണമുള്ള പനോരമിക് സൺറൂഫും 540 ലിറ്റർ ബൂട്ട് സ്പേസുമാണ് (സീറ്റുകൾ മടക്കിയാൽ 1,700 ലിറ്റർ വരെ) മറ്റു സവിശേഷതകൾ.

1.5 ലിറ്റർ ശേഷിയുള്ള ട്വിൻപവർ ടർബോ പെട്രോൾ എൻജിനാണ് വാഹനത്തിന് കരുത്തേകുന്നത്. ഇത് പരമാവധി 156 എച്ച്പി കരുത്തും 230 എൻഎം ടോർക്കും ഉത്പാദിപ്പിക്കും. സെവൻ സ്പീഡ് ഡ്യുവൽ ക്ലച്ച് സ്റ്റെപ്ട്രോണിക് ട്രാൻസ്മിഷനുള്ള വാഹനത്തിന് ലിറ്ററിന് 15.5 കിലോമീറ്റർ മൈലേജാണ് കമ്പനി അവകാശപ്പെടുന്നത്. അഡാപ്റ്റീവ് എൽഇഡി ഹെഡ്‌ലൈറ്റുകൾ, ബിഎംഡബ്ല്യു ഓപ്പറേറ്റിങ് സിസ്റ്റം 9, വൈഡ്‌സ്‌ക്രീൻ കർവ്ഡ് ഡിസ്‌പ്ലേ, ബിഎംഡബ്ല്യു ഡിജിറ്റൽ കീ പ്ലസ്, കംഫർട്ട് ആക്‌സസ് 2.0, 12-സ്പീക്കറുകളുള്ള ഹർമൻ കാർഡൺ ഓഡിയോ സിസ്റ്റം, പാർക്കിങ് അസിസ്റ്റന്റ് പ്ലസ്, 360-ഡിഗ്രി സറൗണ്ട് വ്യൂ, റിവേഴ്‌സിങ് അസിസ്റ്റന്റ് തുടങ്ങിയ സാങ്കേതികവിദ്യകളും ഇതിലുണ്ട്. ലെയ്ൻ ഡിപ്പാർച്ചർ വാണിങ്, ബ്ലൈൻഡ് സ്‌പോട്ട് അസിസ്റ്റന്റ്, ഓട്ടോമാറ്റിക് എമർജൻസി ബ്രേക്കിങ്, ക്രൂസ് കൺട്രോൾ വിത്ത് ബ്രേക്കിങ് ഫങ്ഷൻ തുടങ്ങിയ ഡ്രൈവർ സഹായ സംവിധാനങ്ങളും എട്ട് എയർബാഗുകളും മികച്ച സുരക്ഷ ഉറപ്പാക്കുന്നു. നൈറ്റ് ഡസ്ക് ബ്ലൂ, സ്കൈസ്‌ക്രാപ്പർ ഗ്രേ, കാർബൺ ബ്ലാക്ക്, മിനറൽ വൈറ്റ് എന്നീ നാല് നിറങ്ങളിൽ വാഹനം ലഭ്യമാണ്.