ഇന്ത്യൻ വിപണിയിൽ വൻ കുതിപ്പുമായി ടെസ്‌‌ല; മോഡൽ വൈ വിൽപ്പന 1,000 യൂണിറ്റ് പിന്നിട്ടു

ഇന്ത്യൻ ഇലക്ട്രിക് വാഹന വിപണിയിൽ ചരിത്രനേട്ടം കുറിച്ച് അമേരിക്കൻ നിർമ്മാതാക്കളായ ടെസ്‌ല. രാജ്യത്തെ തങ്ങളുടെ ഏക വാഹനമായ മോഡൽ വൈയുടെ വിൽപ്പന ഔദ്യോഗികമായി 1,000 യൂണിറ്റുകൾ പിന്നിട്ടിരിക്കുകയാണ്. വാഹൻ പോർട്ടലിലെ കണക്കുകൾ പ്രകാരം ഒക്ടോബർ 2 വരെയുള്ള കണക്കെടുപ്പിൽ മൊത്തം ഡെലിവറികൾ 1,017 യൂണിറ്റിലെത്തിയിട്ടുണ്ട്.

കഴിഞ്ഞ സെപ്റ്റംബർ മാസം ടെസ്‌ലയെ സംബന്ധിച്ചിടത്തോളം എക്കാലത്തെയും മികച്ച പ്രകടനമാണ് കാഴ്ചവെച്ചത്. സെപ്റ്റംബറിൽ മാത്രം 291 യൂണിറ്റ് മോഡൽ വൈകളാണ് കമ്പനി വിതരണം ചെയ്തത്. കഴിഞ്ഞ വർഷം ഇതേ കാലയളവിലുണ്ടായ വിൽപ്പനയുമായി താരതമ്യം ചെയ്യുമ്പോൾ 322 ശതമാനത്തിലധികം വർദ്ധനവാണ് ഇത്തുണ്ടായിരിക്കുന്നത്. കഴിഞ്ഞ മൂന്ന് മാസത്തിനിടയിൽ മാത്രം കമ്പനിയുടെ മൊത്തം വിൽപ്പനയുടെ പകുതിയിലധികം യൂണിറ്റുകൾ വിറ്റഴിക്കാനും സാധിച്ചു.

വാഹനത്തിന്റെ വില കുറച്ചതാണ് ഈ കുതിപ്പിന് പ്രധാന കാരണമായത്. മെയ് മാസത്തിൽ മോഡൽ വൈ പ്രീമിയം ആർഡബ്ല്യുഡിയുടെ വിലയിൽ ഏകദേശം 9 ലക്ഷം രൂപയുടെ കുറവ് വരുത്തിയിരുന്നു. നിലവിൽ പ്രീമിയം RWD, വലിയ മോഡൽ YL AWD എന്നീ രണ്ട് ബോഡി കോൺഫിഗറേഷനുകളിലാണ് ഈ വാഹനം വിപണിയിൽ ലഭ്യമായിട്ടുള്ളത്.

ഈ മികച്ച പ്രകടനത്തിലൂടെ ആഡംബര ഇലക്ട്രിക് വാഹന വിഭാഗത്തിൽ മെഴ്‌സിഡസ് ബെൻസിനെ പിന്തള്ളി രണ്ടാം സ്ഥാനത്തേക്ക് ഉയരാനും ടെസ്‌ലയ്ക്ക് സാധിച്ചിട്ടുണ്ട്. ഹ്യുണ്ടായി അയോണിക് 5, കിയ EV6 തുടങ്ങിയ പ്രമുഖ എതിരാളികൾക്കെതിരെ ശക്തമായ മത്സരമാണ് ടെസ്‌ല ഇന്ത്യൻ വിപണിയിൽ കാഴ്ചവെച്ചുകൊണ്ടിരിക്കുന്നത്.

Content Highlights:
American manufacturer Tesla has achieved a historic milestone in the Indian electric vehicle market. Sales of the Model Y—the company’s sole offering in the country—have officially crossed the 1,000-unit mark. According to data from the Vahan portal, total deliveries reached 1,017 units as of October 2.