ജൂഡ് ആന്റണി ജോസഫ് സംവിധാനം ചെയ്ത് വിസ്മയ മോഹൻലാൽ നായികയായെത്തിയ ഹിറ്റ് ചിത്രം ‘തുടക്കം’ സെപ്റ്റംബർ 18 മുതൽ ജിയോ ഹോട്ട്സ്റ്റാറിലൂടെ സ്ട്രീം ചെയ്യും. ഒടിടി റിലീസിന് മുന്നോടിയായി ചിത്രത്തിന്റെ ട്രെയ്‌ലർ പ്ലാറ്റ്‌ഫോം പുറത്തുവിട്ടു. ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിച്ച ചിത്രം തിയറ്ററുകളിൽ നിന്ന് 50 കോടി രൂപ ഗ്രോസ് കളക്ഷൻ നേടിയിരുന്നു. കൊച്ചു കുടുംബചിത്രമായി പ്രഖ്യാപിച്ചെത്തിയ ‘തുടക്കം’ പ്രതീക്ഷിച്ചതിലുമേറെ കൗതുകങ്ങളാണ് സമ്മാനിച്ചത്. വിസ്മയ മോഹൻലാലിന്റെ ഗംഭീര പ്രകടനവും മോഹൻലാലിന്റെ അതിഥി വേഷവും ചിത്രത്തിന്റെ ഹൈലൈറ്റായി. ‘എമ്പുരാനി’ലെ കാമിയോയ്ക്ക് ശേഷം ആന്റണി പെരുമ്പാവൂരിന്റെ മകൻ ആശിഷ് ജോ ആന്റണി പ്രധാന വേഷത്തിലെത്തിയും കൈയ്യടി നേടി. ലിനീഷ് നെല്ലിക്കൽ, അഖിൽ കൃഷ്ണ, ജൂഡ് ആന്റണി ജോസഫ് എന്നിവരാണ് തിരക്കഥ. ജേക്സ് ബിജോയ് സംഗീതവും ജോമോൻ ടി ജോൺ ഛായാഗ്രഹണവും ചമൻ ചാക്കോ എഡിറ്റിംഗും നിർവഹിച്ചു. ഡോ. എമിൽ ആന്റണി, ഡോ. അനീഷ ആന്റണി എന്നിവരാണ് എക്സിക്യൂട്ടീവ് പ്രൊഡ്യൂസേഴ്സ്. സന്തോഷ് രാമൻ പ്രൊഡക്ഷൻ ഡിസൈനും ബിജു തോമസ് പ്രൊഡക്ഷൻ കൺട്രോളറുമാണ്. Post navigation കൊല്ലം ബീച്ചിൽ തിരയില് പെട്ട കുട്ടികളെ രക്ഷിക്കുന്നതിനിടെ യുവാവ് കടലില് മുങ്ങിമരിച്ചു സുൽത്താൻ ബത്തേരി സ്റ്റേഷനില് സൂക്ഷിച്ച തൊണ്ടിമുതലായ ലഹരിവസ്തു മോഷ്ടിച്ച പോലീസുകാരന് ഒളിവില്
