കരിയറിൽ ഒട്ടനവധി നേട്ടങ്ങൾ കൊയ്തെടുത്തെങ്കിലും ഇതുവരെ വഴങ്ങാത്ത ഏഷ്യൻ ഗെയിംസ് മെഡൽ സ്വന്തമാക്കുക എന്ന വലിയ ലക്ഷ്യത്തോടെ ഇന്ത്യൻ താരം മീരാബായി ചാനു ഇത്തവണ മത്സരക്കളത്തിലിറങ്ങുന്നു. ലോക ചാമ്പ്യൻഷിപ്പിലെ സ്വർണ്ണവും ഒളിംപിക്സിലെ വെള്ളിയും കോമൺവെൽത്ത് ഗെയിംസിലെ ഹാട്രിക് സ്വർണ്ണനേട്ടവും സ്വന്തമായുള്ള 32-കാരിയായ മീരാബായിയുടെ മെഡൽ ശേഖരത്തിൽ ഏഷ്യൻ ഗെയിംസ് മെഡൽ മാത്രമാണ് കുറവുള്ളത്. കഴിഞ്ഞ ഒരു പതിറ്റാണ്ടിലേറെയായി കാത്തിരിക്കുന്ന ഈ നേട്ടത്തിനായി തീവ്ര പരിശീലനത്തിലാണ് താരം. 2014-ലെ ഏഷ്യൻ ഗെയിംസ് അരങ്ങേറ്റത്തിൽ ഒൻപതാം സ്ഥാനത്തായ താരത്തിന് 2018-ൽ പരിക്ക് കാരണം മത്സരിക്കാനായില്ല. കഴിഞ്ഞ തവണ പരിക്കുകളോട് പൊരുതി കളത്തിലിറങ്ങിയെങ്കിലും നാലാം സ്ഥാനം കൊണ്ട് തൃപ്തിപ്പെടേണ്ടി വന്നിരുന്നു. ഏഷ്യൻ ഗെയിംസ് മെഡലിനൊപ്പം 2028-ലെ ലോസ് ആഞ്ചലസ് ഒളിംപിക്സ് യോഗ്യത നേടുക എന്നതും ചാനുവിന് ഏറെ നിർണ്ണായകമാണ്. ഗ്ലാസ്ഗോ കോമൺവെൽത്ത് ഗെയിംസിൽ 48 കിലോഗ്രാം വിഭാഗത്തിൽ ആകെ 190 കിലോ ഗ്രാം ഉയർത്തിയാണ് താരം സ്വർണ്ണം കരസ്ഥമാക്കിയത്. സെപ്റ്റംബർ 23-നാണ് ഏഷ്യൻ ഗെയിംസിൽ മീരാബായി ചാനുവിന്റെ മത്സരം നടക്കുന്നത്. Post navigation 305 കോടി രൂപ കളക്ഷൻ നേടി ‘ബെത്ലഹേം കുടുംബ യൂണിറ്റ്’ ഇൻഡസ്ട്രി ഹിറ്റ്! ‘റഷ്യയും യുക്രൈനും ഊർജകേന്ദ്രങ്ങൾ ആക്രമിക്കില്ല’! യുദ്ധത്തിനിടെ പുതിയ പ്രഖ്യാപനവുമായി ട്രംപ്
