പ്രമുഖ നടൻ നാനാ പടേക്കർ അന്തരിച്ചു; അന്ത്യം ഹൃദയാഘാതത്തെ തുടർന്ന്

മുതിർന്ന ചലച്ചിത്ര താരം നാനാ പടേക്കർ (75) അന്തരിച്ചു. ഹൃദയാഘാതത്തെ തുടർന്നായിരുന്നു അന്ത്യം. ഗോവയിലെ വസതിയിൽ വെച്ച് കടുത്ത നെഞ്ചുവേദന അനുഭവപ്പെട്ടതിനെ തുടർന്ന് മെഡിക്കൽ സംഘം അദ്ദേഹത്തിന്റെ വീട്ടിലെത്തി പ്രാഥമിക ചികിത്സയും കാർഡിയാക് മസാജും നൽകിയെങ്കിലും ജീവൻ രക്ഷിക്കാനായില്ല. തുടർന്ന് ഡോണ പൗളയിലെ സ്വകാര്യ ആശുപത്രിയിൽ എത്തിച്ചെങ്കിലും പുലർച്ചെ 5:20-ഓടെ മരണം സ്ഥിരീകരിക്കുകയായിരുന്നു.

മണിപ്പാൽ ആശുപത്രിയിലെ ഓങ്കോളജി വിഭാഗം മേധാവി ഡോ. ശേഖർ സാൽക്കറുടെ നേതൃത്വത്തിലുള്ള സംഘം 45 മിനിറ്റോളം തുടർച്ചയായി സിപിആർ നൽകി ഹൃദയമിടിപ്പ് വീണ്ടെടുക്കാൻ ശ്രമിച്ചെങ്കിലും ഫലം കണ്ടില്ല. പുനരുജ്ജീവന പ്രക്രിയയിലുടനീളം താരം അസിസ്റ്റോളിൽ തന്നെ തുടരുകയായിരുന്നുവെന്ന് ഡോക്ടർമാർ വ്യക്തമാക്കി. സംഭവത്തിൽ മെഡിക്കോ-ലീഗൽ കേസ് രജിസ്റ്റർ ചെയ്തിട്ടുണ്ട്. അദ്ദേഹത്തിന്റെ വിയോഗത്തിൽ പ്രമുഖ രാഷ്ട്രീയ-ചലച്ചിത്ര രംഗത്തെ പ്രമുഖർ അനുശോചനം രേഖപ്പെടുത്തി.

തന്റെ അഭിനയമികവിലൂടെയും സാമൂഹിക പ്രവർത്തനങ്ങളിലൂടെയും ശ്രദ്ധേയനായ നാനാ പടേക്കർ നിരവധി പ്രമുഖ ചിത്രങ്ങളിൽ വേഷമിട്ടിട്ടുണ്ട്. വിശാൽ ഭരദ്വാജ് സംവിധാനം ചെയ്ത ‘ഒ’ റോമിയോ’ എന്ന ചിത്രത്തിലാണ് അദ്ദേഹം അവസാനമായി അഭിനയിച്ചത്. 2026 ഫെബ്രുവരിയിൽ പുറത്തിറങ്ങിയ ഈ ചിത്രത്തിൽ മുംബൈ ഇന്റലിജൻസ് ബ്യൂറോ മേധാവിയുടെ വേഷമാണ് അദ്ദേഹം കൈകാര്യം ചെയ്തത്. കൂടാതെ ‘സുബേദാർ’, ‘ഹൗസ്ഫുൾ 5’, ‘വാൻവാസ്’ തുടങ്ങിയ ചിത്രങ്ങളിലും സങ്കൽപ് എന്ന ഒടിടി പരമ്പരയിലും അദ്ദേഹം പ്രധാന വേഷങ്ങളിൽ എത്തിയിരുന്നു.

Content Highlights: Veteran film actor Nana Patekar (75) has passed away. He died following a heart attack. After experiencing severe chest pain at his residence in Goa, a medical team arrived and administered initial treatment and cardiac massage, but his life could not be saved.