ഇത് പഴയ തന്ത്രങ്ങൾ, കായികമേള അലങ്കോലപ്പെടുത്താൻ ചിലർ ശ്രമിക്കുന്നു:ഭക്ഷണത്തിലെ പുഴു വിവാദത്തിൽ വിദ്യാഭ്യാസ മന്ത്രി എൻ. ഷംസുദ്ദീൻ

തിരുവനന്തപുരം: സംസ്ഥാന സ്കൂൾ കായികമേളയിലെ ഭക്ഷണത്തിൽ പുഴുവിനെ കണ്ടെത്തിയെന്ന ആരോപണത്തിൽ പ്രതികരണവുമായി വിദ്യാഭ്യാസ മന്ത്രി എൻ. ഷംസുദ്ദീൻ. കായികമേള മനപൂർവ്വം അലങ്കോലപ്പെടുത്താനാണ് ചിലർ ശ്രമിക്കുന്നതെന്നും എന്നാൽ അത് നടക്കാൻ പോകുന്നില്ലെന്നും മന്ത്രി വ്യക്തമാക്കി. ഇത് പഴയ ചില തന്ത്രങ്ങളാണെന്നും ഇത്തരം ആരോപണങ്ങൾ കൊണ്ട് മേള തടസ്സപ്പെടില്ലെന്നും അദ്ദേഹം കൂട്ടിച്ചേർത്തു.

വർഷങ്ങളുടെ പ്രയത്നത്തിനും കഠിനാധ്വാനത്തിനും ശേഷമാണ് കുട്ടികൾ ഇത്തരം മേളകളിലേക്ക് എത്തുന്നതെന്നും അത് തകർക്കാൻ ആരും ശ്രമിക്കരുതെന്നും മന്ത്രി ഓർമ്മിപ്പിച്ചു. തങ്ങൾക്ക് ഇത്തരമൊരു വൻകിട മേള സംഘടിപ്പിക്കാൻ കഴിയില്ലെന്ന് വരുത്തിത്തീർക്കാൻ ചില കേന്ദ്രങ്ങൾ ബോധപൂർവ്വം ശ്രമിക്കുന്നുണ്ടെന്നും എന്നാൽ കായികമേളയ്ക്ക് പുറമെ വരാനിരിക്കുന്ന ശാസ്ത്ര, കലാ മേളകളും വളരെ ഭംഗിയായി തന്നെ നടക്കുമെന്നും അദ്ദേഹം കൂട്ടിച്ചേർത്തു.

അതേസമയം, കായികമേളയുമായി ബന്ധപ്പെട്ട് വാർത്ത റിപ്പോർട്ട് ചെയ്ത കൈരളി ന്യൂസ് മാധ്യമപ്രവർത്തകന് മർദനമേറ്റ സംഭവത്തിലും മന്ത്രി നിലപാട് വ്യക്തമാക്കി. മാധ്യമപ്രവർത്തകരെയല്ല, ആരെ മർദിച്ചാലും അത് ആരാണ് ചെയ്തതെങ്കിലും തെറ്റ് തന്നെയാണ്. സംഭവത്തിൽ കൃത്യമായ അന്വേഷണം നടത്തുമെന്നും അന്വേഷണത്തിന് ശേഷം കുറ്റക്കാർക്കെതിരെ ആവശ്യമായ നിയമനടപടികൾ സ്വീകരിക്കുമെന്നും മന്ത്രി എൻ. ഷംസുദ്ദീൻ ഉറപ്പുനൽകി.

Content Highlights: Thiruvananthapuram: Education Minister N. Shamsuddeen has responded to allegations that a worm was found in the food served at the State School Sports Meet. The Minister stated that some individuals are attempting to deliberately disrupt the sports meet, but asserted that they will not succeed. He added that these are old tactics and that such allegations will not hinder the conduct of the event.