അത്യാധുനിക ഫീച്ചറുകളുമായി എച്ച്പി ഓമ്‌നിബുക്ക് 5, പ്രോബുക്ക് 4 ജി2ഐഎസ് എഐ ലാപ്‌ടോപ്പുകൾ ഇന്ത്യയിലെത്തി

പ്രമുഖ ആഗോള സാങ്കേതിക കമ്പനിയായ എച്ച്പി തങ്ങളുടെ ഏറ്റവും പുതിയ ഓൺ-ഡിവൈസ് AI കഴിവുകളുള്ള ഓമ്‌നിബുക്ക് 5, പ്രോബുക്ക് 4 G2iS എന്നീ ലാപ്‌ടോപ്പുകൾ ഇന്ത്യൻ വിപണിയിൽ പുറത്തിറക്കി. നവംബർ 4-ന് അവതരിപ്പിച്ച ഈ മോഡലുകൾ മനോഹരമായ OLED ഡിസ്‌പ്ലേ, ഭാരം കുറഞ്ഞ രൂപകൽപ്പന, ഇന്റലിന്റെ പ്രോസസ്സറുകൾ എന്നിവയോടെയാണ് വിപണിയിലെത്തുന്നത്. വിദ്യാർത്ഥികളെയും ദൈനംദിന ഉപയോക്താക്കളെയും ലക്ഷ്യമിട്ടാണ് ഓമ്‌നിബുക്ക് 5 രൂപകൽപ്പന ചെയ്തിരിക്കുന്നതെങ്കിൽ, ചെറുകിട ബിസിനസുകൾക്കും പ്രൊഫഷണലുകൾക്കുമാണ് പ്രോബുക്ക് 4 G2iS കൂടുതൽ അനുയോജ്യമാകുന്നത്.

എച്ച്പി ഓമ്‌നിബുക്ക് 5 14-ന്റെ പ്രാരംഭ വില 1,09,999 രൂപയാണെങ്കിലും ബാധകമായ ഓഫറുകൾ വഴി 79,999 രൂപയ്ക്ക് ലഭ്യമാകും. നിലവിൽ പ്രീ-ഓർഡറുകൾ ആരംഭിച്ച ഈ മോഡൽ നവംബർ 10 മുതൽ വിൽപ്പനയ്‌ക്കെത്തും. സ്മോക്ക് സിൽവർ, സ്റ്റാർലിറ്റ് ബ്ലൂ, പിയോണി പിങ്ക്, സോഫ്റ്റ് ഹണിഡ്യൂ എന്നീ നിറങ്ങളിൽ ഇത് ലഭ്യമാണ്. ഇന്റൽ കോർ 5 പ്രോസസർ, 16 TOPS റേറ്റുചെയ്‌ത integrated NPU, 14 ഇഞ്ച് OLED ഡിസ്‌പ്ലേ, 16GB വരെ LPDDR5 റാം, 512GB SSD സ്റ്റോറേജ്, 60Wh ബാറ്ററി എന്നിവയാണ് ഈ ലാപ്‌ടോപ്പിന്റെ പ്രധാന ആ ആകർഷണങ്ങൾ.

അതേസമയം, പ്രൊഫഷണൽ ആവശ്യങ്ങൾക്കായി എത്തുന്ന എച്ച്പി പ്രോബുക്ക് 4 G2iS 14-ന്റെ പ്രാരംഭ വില 86,000 രൂപയാണ്. മിസ്റ്റ് സിൽവർ, അറ്റ്മോസ്ഫെറിക് ബ്ലൂ, എക്ലിപ്സ് ഗ്രേ എന്നീ വർണ്ണ ഓപ്ഷനുകളിൽ ഇത് ലഭ്യമാണ്. ഇതിൽ മിസ്റ്റ് സിൽവർ വേരിയന്റിന്റെ വിൽപ്പന നവംബർ 6 മുതൽ ആരംഭിക്കും. ബാക്കി രണ്ട് നിറങ്ങൾ ഡിസംബർ അവസാനത്തോടെ വിപണിയിലെത്തും. ഇന്റൽ കോർ 7 പ്രോസസർ, 17 TOPS വരെ പ്രകടനശേഷിയുള്ള NPU, 32GB വരെ മെമ്മറി, 1TB വരെ SSD, 14 ഇഞ്ച് 2.8K OLED ഡിസ്‌പ്ലേ, 70Wh ബാറ്ററി എന്നിവയോടെയാണ് ഇത് സജ്ജീകരിച്ചിരിക്കുന്നത്.

വീഡിയോ കോൺഫറൻസിംഗിനും വെർച്വൽ മീറ്റിംഗുകൾക്കുമായി AI- പവേർഡ് നോയ്‌സ് റിഡക്ഷൻ, എഫ്.എച്ച്.ഡി എച്ച്.ഡി.ആർ ക്യാമറ, വോയ്‌സ് വ്യക്തത ഉറപ്പാക്കുന്ന ഡ്യുവൽ മൈക്രോഫോണുകൾ എന്നിവ രണ്ട് മോഡലുകളിലും നൽകിയിട്ടുണ്ട്. കൂടാതെ, ബിസിനസ്സ് ഡാറ്റയുടെ സുരക്ഷയ്ക്കായി ഫിസിക്കൽ ക്യാമറ ഷട്ടർ, എച്ച്പി ഡ്രൈവ് ലോക്ക്, ഡ്രൈവ് സെക്യുർ ഇറേസ് തുടങ്ങിയ നൂതന സുരക്ഷാ മാനദണ്ഡങ്ങളും മിലിട്ടറി-ഗ്രേഡ് (MIL-STD) ഡ്യൂറബിലിറ്റിയും ഈ ഉപകരണങ്ങളുടെ സവിശേഷതയാണ്.

Content Highlights: Leading global technology company HP has launched its latest laptops—the OmniBook 5 and ProBook 4 G2iS—in the Indian market, featuring on-device AI capabilities. Unveiled on November 4, these models come with stunning OLED displays, a lightweight design, and Intel processors.