തൊടുപുഴ: കോൺഗ്രസിനുള്ളിലെ മുഖ്യമന്ത്രി പദത്തെച്ചൊല്ലിയുള്ള തർക്കങ്ങളെ പരിഹസിച്ച് സിപിഎം നേതാവും മുൻ മന്ത്രിയുമായ എം.എം. മണി രംഗത്തെത്തി. മുഖ്യമന്ത്രി കസേരയ്ക്കായി പാർട്ടിയിൽ നിരവധി അവകാശികൾ രംഗത്തുള്ള സാഹചര്യത്തിൽ, യുഡിഎഫിന്റെ മുഖ്യമന്ത്രി കസേര ബെഞ്ചാക്കാൻ ആലോചനയുണ്ട് എന്ന പരിഹാസ രൂപേണയുള്ള ചിത്രമാണ് എം.എം. മണി ഫെയ്സ്ബുക്കിൽ പങ്കുവെച്ചത്.
യുഡിഎഫിന് അധികാരം ലഭിക്കില്ലെന്ന് പരോക്ഷമായി സൂചിപ്പിച്ച എം.എം. മണി, വോട്ടെണ്ണൽ ദിനമായ മെയ് 4-ന് ശേഷമുള്ള കാര്യങ്ങളെക്കുറിച്ചും മുന്നറിയിപ്പ് നൽകി. മെയ് 4 വരെ മുന്നണിക്കുള്ളിലെ കലഹം ഒഴിവാക്കാൻ ധാരണയുണ്ടെന്നിരിക്കെ, അതിനുശേഷം പ്രതിപക്ഷ നേതൃസ്ഥാനം മുസ്ലീം ലീഗ് കൊണ്ടുപോകാതെ കോൺഗ്രസ് ശ്രദ്ധിക്കണമെന്നും അദ്ദേഹം ഉപദേശിച്ചു.